Vieiros

Xa falta menos para que remate o prazo de recepción de cancións candidatas a ser o tema do verán 2009. A caixa de correo de A Polo Ghit pecha este mércores 29 de xullo. É dicir, que se algunha candidatura chega despois da medianoite desa xornada, xa non poderá entrar no concurso.

Aos 48 temas que están a concorrer no certame sumaránselles os que están a chegar nestes últimos días. As novidades presentaranse, como até agora, na fin de semana. Tamén contamos con facer públicos os nomes das persoas que integrarán o xurado deste ano e que decidirán cales serán cinco dos 10 finalistas. A outra metade dependerá das votacións do público. Asemade, desvelaranse os premios desta cuarta edición de A Polo Ghit.

Só nos queda desexarlles sorte a todos os participantes e rapidez aos que teñan pensado participar e aínda non enviasen a súa proposta. A polo ghit!