Vieiros

Vieiros de meu Perfil


Edición xeral

RSS de Edición xeral
VIOLENCIA CONTRA AS MULLERES

Mobilización para evitar a morte dunha iraniana acusada de adulterio

Amnistía Internacional intenta impedir a lapidación de Sakineh Mohammadi, que leva tres anos presa, acusada de terlle sido infiel á súa parella.

Redacción - 10:30 21/08/2009

Na prisión de Tabriz, no oeste de Irán, leva máis de tres anos Sakineh Mohammadi. Todo o delito que as autoridades lle apoñen a esta muller é ter unha “relación ilícita”, polo que no seu día xa recibiu 99 lategazos. Poucos meses despois foi tamén acusada de “adulterio estando casada”. Os xuíces non dubidaron en condenala a morte por lapidación. A pesar de que o seu avogado recorreu a sentenza dúas veces, a súa iniciativa non prosperou.

Dende Amnistía Internacional subliñan que Sakineh sufriu un xuízo inxusto e sen ningunha garantía. A súa defensa presentou un último recurso diante da Comisión de Amnistía e Indulto de Irán, se este órgano non atende a petición, a muller será lapidada.

Paralelamente a este último recurso, Amnistía Internacional ten en marcha unha campaña de sinaturas en liña para pedirlle ao goberno iraní que non permita a execución.


5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: