Vieiros

Vieiros de meu Perfil


Fwwwrando

RSS de Fwwwrando
Multifunción

As consolas queren ser computadores

Nintendo e Sony pretenden potenciar os usos das súas consolas alén dos videoxogos.

Redacción - 13:30 02/09/2009

As consolas xa deixaron de ser aparatos destinados exclusivamente á práctica de videoxogos e comezan a se converter en dispositivos máis xenéricos de ocio multimedia, grazas á súa cada vez meirande capacidade. Dous dos principais fabricantes, Nintendo e Sony, están a dar pasos para diversificar as utilidades das súas consolas.

Por unha banda, Nintendo decidiuse a potenciar o uso da súa popular Wii para acceder á internet. Para iso, anunciou que ofrecerá de balde o seu navegador, o Wii Internet Channel, até agora de pago. Ademais, entre as novidades da nova versión está a actualización de Flash, que permitirá acceder a máis contidos. As persoas que xa pagaran polo navegador serán compensadas coa posibilidade de obter gratuitamente un videoxogo.

Por outro lado, Sony comercializará en outubro o teléfono Aino, que servirá, ademais, de mando a distancia da PS3 da marca xaponesa, e poderá reproducir arquivos gardados no disco duro da consola ou descargar contidos da plataforma Playstation.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: