Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Promoción exterior

As galerías terán axudas para levar artistas do país ás feiras internacionais

O conselleiro de Cultura anuncioulle á asociación de galeristas o apoio á feira Espazo Atlántico de Vigo para que compita con Arco.

Redacción - 17:30 02/09/2009
O conselleiro de Cultura reuniuse este mércores cos representantes das galerías de arte

O conselleiro de Cultura reuniuse este mércores cos representantes das galerías de arte

As galerías de arte galegas arrancaron este mércores do conselleiro de Cultura, Roberto Varela, o compromiso de subvencionar a asistencia a feiras internacionais. Roberto Varela anunciou logo de manter unha reunión cos representantes da Asociación de Galerías de Arte de Galicia que o seu departamento abrirá unha liña de axudas específica para a asistencia a feiras internacionais, coa condición de que a metade dos artistas que leven sexan galegos.

O conselleiro non precisou a cantidade económica que o seu departamento dedicará a este fin. O anuncio contrasta coa situación doutras liñas de axuda que ata agora mantiña a Consellaría de Cultura e que logo do cambio de Goberno non foron por agora convocadas, como as dedicadas á tradución de libros e á organización de festivais de cine.

Unha feira para competir con Arco
Roberto Varela comprometeuse tamén a apoiar a feira Espazo Atlántico, que se celebrará en Vigo do 14 ao 18 de xaneiro, para "competir con Arco" e "dar a coñecer os artistas galegos". Varela criticou que a feira internacional Arco "está levando unha política que marxina un pouco a periferia". Espazo Atlántico organízase en Vigo desde o ano 2006, ata agora co nome de Puro Arte.

Durante a reunión, a consellaría e a asociación asinaron un acordo para cerrar os pagos pendentes de compras realizadas polo CGAC e da asistencia a feiras durante o 2009.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: