Vieiros

Vieiros de meu Perfil


Máis Alá

Xestionado por Vieiros
RSS de Máis Alá
Propostas clásicas

Ourense aposta pola música de cámara e Compostela polo lied

Na cidade das Burgas arranca a segunda tempada de “Sen Batuta” e na capital do país soarán as cancións de Schumann, Schubert e Wolf.

Redacción - 13:15 03/09/2009

A segunda edición de Sen Batuta en Ourense desenvolverase ata o 4 de xuño de 2010. Comeza este 3 de setembro, e repetirase todos os primeiros xoves de mes no instituto Otero Pedrayo. Cun prazo de 6 euros por concerto e 45 polo abono completo, os ourensáns e afeccionados poderán gozar dalgúns dos conxuntos máis importantes no panorama europeo. Callino Quartet, ofrece o primeiro concerto, no que o cuarteto inglés interpretará obras de Haydn, Kurtág e Mendelssohn. Este é o programa completo do festival:

3 de setembro: Callino Quartet. Cuarteto de cordas.
1 de outubro: Dider Henry e Anne LeBozec. Barítono e piano.
5 de novembro: Spanish Brass Luur Metalls. Quinteto de metais.
3 de decembro: Cuarteto Quiroga. Cuarteto de cordas.
7 de xaneiro: Cuarteto Casals. Cuarteto de cordas.
4 de febreiro: Doric String Quartet. Cuarteto de cordas.
4 de marzo: Dali Piano Trio. Trío con piano.
1 de abril: PercaDu. Dúo de Percusión.
6 de maio: Vladimir Mendelssohn (viola) & Alain Meunier (cello) & Cuarteto Quiroga.
4 de xuño: Trio Ravinia. Trío con piano.

X Ciclo de Lied

No outono, Compostela volve acoller unha nova edición do Ciclo de Lied. O programa de concertos de cámara componse de catro recitais que este ano teñen como eixe temático “O círculo máxico dos mestres do Lied”, formado polos os autores alemáns máis representativos: Robert Schumann, Franz Schubert e Hugo Wolf. O prezo de cada concerto é de 6 euros, e 15 para o abono. O programa desenvólvese en setembro e outubro no Auditorio de Galicia, coas seguintes actuacións:

10 de setembro: Conferencia de Roger Vignoles “O círculo máxico dos mestres do Lied”. Facultade de Xeografía e Historia.
11 de setembro: Florian Boesch (barítono) e Roger Vignoles (piano). Schumann e Schubert.
22 de setembro: Camilla Tilling (soprano) e Rober Vignoles (piano). Schubert, Schumann e Strauss.
29 de setembro: Werner Güra (tenor) e Roger Vignoles (piano). Schumann e Wolf.
15 de outubro: Bernarda Fink (mezzosoprano) e Roger Vignoles (piano). Schubert e Dvorak. No Teatro Principal.


5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: