Vieiros

Vieiros de meu Perfil


Galego.org

Xestionado por Vieiros
RSS de Galego.org
RESPOSTA PARLAMENTARIA

A Xunta aclara que a única forma válida para os topónimos é a galega

O Goberno zanxa o debate sobre A Coruña ao sinalar que manterá a forma do país. A socialista Mar Barcón bótalle en cara a Negreira que "non pinte nada".

Redacción - 19:30 03/09/2009
A socialista Barcón non quixo aclarar a súa postura no topónimo

A socialista Barcón non quixo aclarar a súa postura no topónimo

O novo Goberno non vai variar a súa política en materia de topónimos. Ao igual que sucedía até o de agora, a única forma válida é a que establece o artigo 10 da Lei de Normalización Lingüística: “Os topónimos de Galiza terán como única forma oficial a galega”. O PPdeG zanxa así o debate aberto no seu día sobre a posibilidade de que se considerase válida a forma castelanizada dos nomes de lugar (como no caso de La Coruña).

A Xunta respostoulle por escrito á deputada socialista Mar Barcón. A parlamentaria coruñesa aproveitou para botarlle en cara ao voceiro local do PP que dixera que se ía cambiar o topónimo da cidade cando os conservadores chegasen a San Caetano: “ou non pinta nada, que tamén é posíbel que as peticións do señor Negreira non pinten nada en ningún sitio e menos no seu goberno, ou será un mentireiro compulsivo”

Porén, os xornalistas preguntáronlle á propia Barcón cal era a súa opinión sobre o nome da cidade. A socialistas empregou evasivas dicindo que “as posicións persoais debe aclaralas quen dixo que ese tema ía solucionarse”.


4.45/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: