Vieiros

O conselleiro de Educación prendeu a mecha da polémica este mércores no Parlamento. Durante a súa intervención, Xesús Vázquez xustificou a achega de fondos públicos a colexios que segregan por cuestión de sexo asegurando que o bipartito tamén os subvencionara. Indo máis aló, Vázquez botoulle en cara a falta de coherencia á oposición asegurando que ex altos cargos do anterior executivo levan os fillos a este tipo de colexios.

O conselleiro xustificou as axudas a estes colexios asegurando que “nós respetamos a liberdade, pero vostedes non a queren para os galegos”. Ao remate da súa intervención os diputados socialistas e nacionalistas recriminaron as palabras de Vázquez e rodeárono exixíndolle que dese nomes.

Tal e como denunciara Vieiros no seu día, cinco colexios do Opus Dei que separan nenas e nenos nas aulas reciben dende hai anos axudas públicas para prazas concertadas. Os centros están emprazados nas cidades da Coruña e Vigo.