Vieiros

Este venres cúmprense cinco meses da toma de posesión de Alberto Núñez Feijoo como presidente da Xunta. Neste período, o novo Goberno executou diversas propostas políticas que o PPdeG levaba no programa co que se presentou ás eleccións.

A maioría destas, non exentas de polémica: as relacionadas coa política lingüística e co galego no ensino, a revisión dos plans acuícola e eólico, a fin da gratuidade dos libros de texto, ... Algunhas como esta última ou a eliminación das peonadas na sanidade, a reorientación das subvencións culturais e a redución de altos cargos procuran a recortar custes nunha época de crise.

Que valoración fas das medidas levadas a cabo desde que Feijoo é presidente da Xunta? Cales destacarías como máis positivas e cales como máis negativas? Mellorará ou empeorará o país como consecuencia da súa aplicación? Ti que opinas?