Vieiros

Vieiros de meu Perfil


Galego.org

Xestionado por Vieiros
RSS de Galego.org
Proposición non de lei

O goberno español terá que dar conta na UE do apoio ás linguas cooficiais

O texto, presentado por ERC e apoiado por todos os grupos do Congreso agás o PP, contempla cooperar con estados europeos do mesmo dominio lingüístico.

Redacción - 17:00 15/09/2009

O goberno español deberá comparecer perante a Comisión Mixta da UE antes de fin de ano para dar conta do grao de cumprimento dos acordos asinados en materia de linguas cooficiais. A medida deriva dunha proposición non de lei presentada por ERC-IU-IPCV sobre medidas para o impulso do galego, do catalán e do éuscaro no marco da UE, aprobada pola Comisión Mixta do Congreso.

Segundo o texto, o Congreso insta o goberno español a presentar as medidas previstas para impulsar e formalizar o acordo co Europarlamento para o uso das linguas cooficiais e as actuacións dirixidas a estados membros cos que se comparte dominio lingüístico para estabelecer medidas de cooperación.

O defensor da proposición, Joan Tardà, lamentou que o executivo estea mudo respecto á información sobre temas lingüísticos e a súa relación coa UE. Pediulle ao goberno español que lle poña máis vontade. Os grupos socialista, CiU e Entesa apoiaron a iniciativa, mentres que o PP votou en contra.


5/5 (14 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: