Vieiros

Vieiros de meu Perfil


Edición xeral

RSS de Edición xeral
DEFLACIÓN

Os prezos, en caída libre

A taxa española de inflación harmonizada rexistra no mes de setembro o seu sétimo descenso consecutivo e sitúase no -1%.

Redacción - 11:30 29/09/2009

A caída de prezos continúa imparábel mes tras mes. Así o reflicten as últimas cifras dadas a coñecer polo Instituto Nacional de Estatística (INE). Segundo estes datos, o Índice de Prezos de Consumo Harmonizado no Estado Español situou a súa taxa interanual no -1% en setembro, o que suporá unha diminución de dúas décimas sobre o pasado mes de agosto.

Esta estatística, medida igual en todos os países da zona euro, rexistra a súa sétima caída consecutiva, logo de que o indicador entrase en negativo no pasado mes de marzo. Esta taxa acostuma a coincidir coa do IPC xeral, un dato que coñeceremos exactamente o vindeiro 14 de outubro.Coñeceremos entón a cifra correspondente ao comportamento dos prezos en Galiza.

O prezo do petróleo é a principal variábel que ocasiona esta nova caída: hai doce meses o barril de Brent custaba 70,19 euros fronte aos 46,84 de setembro deste ano.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: