Vieiros

Vieiros de meu Perfil


Edición xeral

RSS de Edición xeral
Situación laboral

Persoal do Consorcio da Igualdade mobilizarase para que se cumpra o convenio colectivo

CIG-Ensino convoca unha recollida de sinaturas e unha concentración o 7 de outubro para que Educación execute as medidas aprobadas.

Redacción - 17:33 29/09/2009
Nenas e nenos nunha galescola

Nenas e nenos nunha galescola

A situación de incerteza na que se atopa o persoal do Consorcio Galego de Igualdade e Benestar fixo que CIG-Ensino iniciase unha nova serie de medidas a prol da mellora das condicións laborais do colectivo.

A organización sindical recollerá sinaturas para apoiar unha táboa reivindicativa e convocará unha concentración para o sete de outubro ás 11 e media da mañá en San Caetano. As súas peticións son que se convoque o comité directivo para ratificar o convenio colectivo, que os orzamentos da Xunta contemplen as partidas necesarias para cumprir ese convenio, que se desenvolvan os procesos de selección de persoal xa convocados e coas bases publicadas, que se solucione a temporalidade do persoal e se resolvan as irregularidades na xestión de listaxes, substitucións, baixas, modalidades de contratos, despedimentos ou falla de recursos.

CIG-Ensino cualifica de preocupante a situación do persoal do Consorcio, por estaren paralizadas as medidas acordadas para a súa mellora laboral e salarial. Enmarca esta situación na política da Consellaría de Traballo e Benestar de "botar abaixo o modelo de Galescolas".


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: