Vieiros

Vieiros de meu Perfil


Edición xeral

RSS de Edición xeral
No Índico

Secuestro dun atuneiro con tripulación galega

O buque Alakrana, con base no porto vasco de Bermeo, emitira de madrugada sinais de socorro "por ataque de piratas".

Europa Press - 12:20 02/10/2009

Ao xeito do acontecido en ocasións recentes, piratas somalís presuntamente secuestraron un buque no Índico, desta volta o atuneiro Alakrana, con base no porto vasco de Bermeo e con parte da tripulación galega, que faenaba naquelas augas. Fontes consultadas por Europa Press confirmaron que o buque, con patrón procedente de Baiona, estaba faenando na zona das Seychelles cando foi secuestrado.

O 'Alakrana' conta con 36 tripulantes: oito galegos, sete vascos, oito nados en Indonesia, catro de Ghana, tres de Senegal, dous de Madagascar, dous de Costa de Marfil, un procedente de Andalucía e outro das Seychelles. A embarcación logrou eludir, a principios de setembro, un ataque dos piratas a 495 millas da costa de Somalia. O mal tempo e o feito de que as redes estivesen recollidas facilitou daquela a súa fuxida.


Emitiu de madrugada sinais de socorro
A empresa armadora do 'Alakrana', Echebastar Fleet, informou este venres de que o buque de Bermeo emitiu ás 5h30 sinais de socorro por ataque de piratas e dende ese momento non puido estabelecer "ningún tipo de comunicación co barco". A compañía, con sede na localidade biscaíña de Bermeo, indicou nun comunicado que a súa dirección xeral se dirixe á Embaixada de Nairobi en Kenya.

As mesmas fontes aseguraron que a familia tivo coñecemento do suceso cando intentaron, reiteradamente, contactar telefonicamente coa embarcación de forma infrutuosa. A Secretaría Xeral do Mar e o Ministerio de Defensa informaron de que seguen de perto os acontecementos.


Ligazóns

5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: