Vieiros

Vieiros de meu Perfil


Edición xeral

RSS de Edición xeral
TAMÉN EN TEMPOS DE CRISE

A banca volve gañar

As entidades elevaron un 7,9% as comisións que cobran os clientes polas tarxetas de débito e un 6,5% polas de crédito.

Redacción - 12:00 05/10/2009
As comisións que as entidades bancarias cobran por tarxeta medraron considerabelmente no último ano

As comisións que as entidades bancarias cobran por tarxeta medraron considerabelmente no último ano

As caixas e os bancos non están dispostos a perder negocio nin tan sequera en tempos de crise. Como corresponde a este contexto económico adverso, as entidades percibiron un importante descenso da demanda de créditos, o que, xunto coa baixada dos tipos de interese, está a limitar a súa marxe de beneficios. Así que unha das solucións pasa por aumentar as comisións por servizos, nomeadamente, as das tarxetas e as contas bancarias.

Así se deprende dun informe elaborado polo Banco de España. As entidades incrementaron un 7,9% no que vai de ano as comisións que cobran os seus clientes polas tarxetas de débito, até situar o seu importe en 16,6 euros anuais. No caso das tarxetas de crédito, o incremento foi dun 6,5%, o que sitúa o seu custe en 33,3 euros ao ano.

Así, o importe que pagan os usuarios de media ao ano dende o pasado mes de setembro polo mantemento destas tarxetas é o máis elevado dende hai catro anos (entón as comisións elevábanse a 10,6 euros no caso de débito e 22,4 euros nas de crédito).

Contas de aforro
Ademais, o mantemento das contas correntes e de aforro tamén experimentou un considerábel incremento de prezo. En setembro o custe subiu un 6,3% (até 21 euros no caso das contas correntes e 20,4 no caso das de aforro) e no que levamos de ano un 7,6%.

Mais o encarecemento das comisións non remata aquí. Os apuntes en conta subiron un 12,9% en ternos interanuais; os cargos por ingreso de cheques incrementáronse nun 15,4%; ou a disposición de cartos dun caixeiro da propia rede, un 7% se a tarxeta é de débito e un 4,8% se é de crédito.


Ligazóns

5/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: