Vieiros

Vieiros de meu Perfil


Edición xeral

RSS de Edición xeral
AMPLIACIÓN DE CAPITAL

Pescanova, na procura da expansión

Emitirá 6,44 millóns de novas accións a 15,6 euros por título co obxectivo de fortalecer a empresa e aproveitar as oportunidades que se presenten no mercado.

Redacción - 11:45 06/10/2009
Pescanova lidera o mercado mundial dos produtos ultraconxelados

Pescanova lidera o mercado mundial dos produtos ultraconxelados

A multinacional líder no sector dos produtos ultraconxelados, Pescanova, vén de confirmar á Comisión Nacional do Mercado de Valores (CNMV) que lanzará unha ampliación de capital por valor de 100,55 millóns de euros. É a meirande operación deste tipo realizada pola empresa nos últimos 33 anos e o obxectivo é reforzarse e fortalecerse con vistas ao aproveitamento das oportunidades de expansión que se presenten no mercado.

A ampliación será de 6,45 millóns de novas accións a 15,6 euros por título e o consello de administración prevé pechala en 20 días. Acordou aumentar o capital social nun importe nominal de 38,6 millóns de euros, mediante a posta en circulación de 6,44 millóns de accións ordinarias, con dereito de subscrición preferente para os actuais accionistas.

No que levamos de ano, Pescanova é un dos poucos valores da bolsa española que aínda presenta un saldo negativo, cun descenso do 10%.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: