Vieiros

Tránsfugas con nomes e apelidos, isto é o que prometen PP, PSdeG e BNG. Na mañá deste mércores, o Parlamento aprobou por unanimidade unha iniciativa na que se lle solicita á Xunta que publique unha relación de concelleiros tránsfugas que infrinxiran o Pacto Antitransfuguismo. Ademais, no acordo tamén se propón que ningunha destas tres formacións acepten nun futuro a estes transgugas nas súas listas electorais.

O acordo veu precedido dun forte debate político. Antes da votación, socialistas e nacionalistas uniron as súas voces para proclamar que os conservadores están a ser os “únicos beneficiarios” das mocións de censura. Os “populares” botaron balóns fóra sinalando que os socialistas foron os primeiros en aproveitarse dos tránsfugas ao sacar adiante a moción que en 1987 deu lugar ao tripartito presidido por Fernando González Laxe.

No Parlamento saíron as diferenzas locais dos partidos. Así, o deputado “popular” Rodríguez Miranda subliñou que os tránsfugas do PP de Silleda xa non están no partido e sinalou que o caso de Láncara foi especial, “porque (referíndose ao PSdeG) vostedes non teñen palabra. O seu alcalde probou o cargo, gustoulle e non o quixo deixar (tal e como estaba estipulado, segundo o PP, no acordo entre socialistas en Terra Galega”.

• Mentres, o PP de Folgoso do Courel apoia canda un tránsfuga unha moción de censura