Vieiros

Vieiros de meu Perfil


Fwwwrando

RSS de Fwwwrando
'Foro aberto'

Estupor na rede pola entrevista a Carlos Callón na TVG

O blogomillo e Facebook únense contra o "estarrecedor" e parcial interrogatorio efectuado por Carlos Luís Rodríguez ao presidente da Mesa a noite do luns.

Redacción - 13:05 21/10/2009
Un momento da entrevista / TVG

Un momento da entrevista / TVG

A entrevista efectuada este luns por Carlos Luís Rodríguez a Carlos Callón, presidente da Mesa, no programa Foro Aberto, da TVG, provocou toda unha serie de reaccións na rede. No seu blog Días estranhos, Martin Pawley cualifica de "estarrecedora" a entrevista "perpetrada" a Callón. De feito, calquera que vexa o vídeo comprobará que se trata máis dunha agresión ou, como máximo, dun debate, ca dun diálogo ou do xénero xornalístico de preguntas e respostas.

Pawley contrasta o "estilo duro e agresivo" do programa coa "xenerosa brandura que a outros lle dedica este homiño" que "sabe ben a quen lle reparte a pólvora e a quen as magnolias". Salienta que "gañou Carlos Callón", por aguantar dez minutos de ataques e interrupcións con "abraiante serenidade de diana". Fixo tamén un chamamento ao Colexio Profesional de Xornalistas para que se pronuncie sobre o tema, que considera máis grave cós berros de "televisión manipulación" durante a conexión en directo da TVG coa manifestación do domingo.

Tamén liga o vídeo Xabier Pérez Igrexas, en Contradiscurso. El é un dos promotores dun grupo na rede social Facebook que pide o cesamento de Carlos Luís Rodríguez, e que xa recibiu o apoio de 150 persoas.


4,97/5 (66 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: