Vieiros

A web de emprego do xornal británico The Guardian recibiu un ataque que podería facer que os currículos de medio millón de persoas pasasen a mans de delincuentes informáticos. O propio xornal xa advirte e que esa información privada podería ter acabado en malas mans por un ataque "sofisticado e deliberado".

O medio asegurou que non están comprometidos todos os datos, e que xa lles enviou persoalmente unha mensaxe ás persoas afectadas. O incidente está a ser investigado pola unidade central de delitos informáticos de New Scotland Yard. Na mensaxe inclúense consellos de seguridade para evitar a suplantación de identidade.

O xornal afirma que a súa web xa é totalmente segura, como garantiu o seu provedor, Magdex. Aínda que non se cre que se perdese información de tipo financeiro, un simple currículo pode servir para roubar a identidade dunha persoa, e mesmo dirixir ataques mediante correo electrónico.