Vieiros

Por 18º ano consecutivo e no primeiro desde que Barack Obama chegou á Casa Branca, a Asemblea Xeral da ONU votou esta cuarta feira unha resolución contra o bloqueo económico, comercial e financeiro imposto polos Estados Unidos sobre Cuba hai xa medio século.

O documento de condena aprobouse por unha esmagadora maioría: 187 votos a favor, tres en contra (EUA, Israel e Belau) e dúas abstencións (Micronesia e Illas Marshall).

Durante a súa intervención ante o plenario da Asemblea antes da votación, o chanceler cubano, Bruno Rodríguez Parrilla, denunciou o "cruel e inhumano" bloqueo e lamentou que desde a chegada de Obama á presidencia dos EUA "non se produciu ningún cambio no embargo económico, comercial e financeiro contra Cuba".

Ao respecto, o portavoz do Departamento de Estado do país norteamericano, Ian Kelly, afirmou: "Non cremos que sexa o momento de levantar o embargo. Considerarémolo cando o goberno de Cuba comece a tomar pasos positivos cara á diminución da represión contra a súa propia poboación".


Máis información:

• CNN: UN again condemns U.S. embargo against Cuba
• NYT: US Embargo on Cuba Again Finds Scant Support at UN
• Granma: Condena mundial a EE.UU
• TeleSur: Con 187 votos la ONU condenó el bloqueo de EE.UU. contra Cuba