Vieiros

Vieiros de meu Perfil


Edición xeral

RSS de Edición xeral
Votacións no Congreso

O lobbie das ETT abre furado no proxecto de lei de medidas urxentes de emprego

As empresas de traballo temporal accederán en breve a sectores que tiñan vetados, como a construción e a administración e a medio prazo poderían obter aínda outros beneficios.

Redacción - 15:30 14/11/2009

O debate sobre o proxecto de lei de medidas urxentes de emprego deseñada polo Ministerio de Traballo trae novidades ao respecto do funcionamento das Empresas de Traballo Temporal (ETT). A patronal do sector contou en apoio dalgunha das súas demandas principais dos deputados de PP, CiU e PNV. A negociación das emendas torceu o brazo do grupo maioritario do PSOE en varias cuestións e, entre outros, ínstase ao goberno español a que, á volta de poucos meses e logo de que esta lei saia do Senado, sexa trasposta a directiva marco que lle afecta a estas empresas.

De xeito concreto, o levantamento dos vetos nos sectores da construción e a administración están entre as novidades principais. A Asociación de Grandes Empresas de Traballo Temporal (Agett), ten insistido en que se facilite a actividade dos seus asociados. Amparado nas cifras de mobilización de demandantes de emprego que ofrecen as ETT e comparando estes indicadores coas febles estatísticas de colocación que saen dos servizos públicos de emprego, a Agett, insiste na súa capacidade de xeración de emprego no actual escenario de crise.


1/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: