Vieiros

Vieiros de meu Perfil


Máis Alá

Xestionado por Vieiros
RSS de Máis Alá
O domingo remata o prazo de inscrición

Só o 8% dos filmes producidos no Estado están dirixidos por mulleres

A asociación Andaina organiza o MUFEST, I Festival de Cine feito por Mulleres, que se celebrará en Compostela os días 20, 21 e 22 de novembro.

Redacción - 17:30 13/11/2009

No Estado Español só o 8% das películas que se producen son dirixidas por mulleres, e en guión e produción, a participación fica nun escaso 20%. Son datos da Asociación de Mulleres Cineastas e de Medios Audiovisuais (CIMA) que evidencian a desigualdade entre ambos os dous sexos tamén neste ámbito.

É por isto que a Asociación Andaina Mulleres, "aproveitando o pulo que lle dá a oferta cinematográfica Cineuropa (o festival de cine que se está a desenvolver estes días en Compostela)", organizan o MUFEST, o I Festival de Cine feito por Mulleres, que se celebrará no Auditorio de Galicia, na capital galega, os dias 20, 21 e 22 de novembro. O certame conta coa colaboración da Concellaría de Benestar Social e Igualdade de Santiago.

Neste festival concédense tres premios dotados con mil euros para o primeiro e outros sen para os dous seguintes mellores de entre as obras seleccionadas. Todas estas serán exhibidas durante os dias que dura o evento. O prazo para que as mulleres interesadas en presentar as súas obras remata este domingo.

O obxectivo é, segundo a organización, "fomentar a creación audiovisual das mulleres proporcionando un espazo para a exhibición e o debate, onde teñan cabida as novas creadoras profesionais ou afeccionadas".

Ademais, dentro do programa está prevista a presenza de diferentes autoras, produtoras e guionistas -entre outras, Margarita Ledo e Almudena Carracedo- para compartiren as súas experiencias e os seus primeiros pasos no mundo audiovisual.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: