Vieiros

Vieiros de meu Perfil


GZ-Deportiva

Xestionado por Vieiros
RSS de GZ-Deportiva
Comeza este martes a XXIV edición

Billarda, chave e bolos celtas, novidades no Xogos Galaico-Durienses

55 deportistas de cada unha das seis universidades do Norte de Portugal e da Galiza participantes compiten deica á quinta feira en Compostela.

Redacción - 09:00 24/11/2009

330 participantes, 55 de cada unha das seis universidades participantes do Norte de Portugal -do Porto, do Minho, de Trás-os-Montes e Alto Douro- e da Galiza -da Coruña, de Vigo e de Santiago (organizadora), compiten desde este martes nos XXIV Xogos Galaico-Durienses, que se han disputar deica á quinta feira en Compostela, organizados pola USC.

Por vez primeira, a billarda, a chave e os bolos celtas inclúense na competición. Súmanse este ano ao baloncesto, balonmán e voleibol mixtos, ao tiro con arco, ao duatlón, ao tenis de mesa mixto ou ao xadrez.

O pavillón e o campo de fútbol, a piscina, o estadio de atletismo e a sala de usos múltiples da Residencia Monte da Condesa, ademais do pavillón de Santa Isabel que o Concello de Santiago cede á USC, acollerán as competicións.

Os Xogos Galaico-Durienses son unha competición deportiva universitaria que xunta anualmente desde 1993 deportistas e membros da comunidade universitaria desta media ducia de centros da Eurorrexión.


Ligazóns

5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: