Vieiros

Vieiros de meu Perfil


Edición xeral

RSS de Edición xeral
Marchas antigobernamentais

Fontes oficiais cifran en oito as persoas mortas nas revoltas en Irán

Webs da oposición denunciaron que a Policía disparou contra os manifestantes no centro de Teherán.

Redacción - 10:30 28/12/2009
Milleiros de persoas saíron ás rúas

Milleiros de persoas saíron ás rúas

Polo menos oito persoas morreron durante os enfrontamentos entre forzas de seguridade e manifestantes da oposición que se desenvolveron este domingo en Teherán, segundo informou este luns o Consello Supremo Nacional de Seguridade de Irán e citan axencias internacionais.


Os medios estatais informaran previamente de cinco mortos. "Consello Supremo de Seguridade Nacional: oito mortos nas protestas antigobernamentais de Irán", informou a televisión Press TV, que emite en inglés, nunha noticia breve urxente, sen dar máis detalles.


As mortes, as primeiras durante unhas manifestacións desde as que sucederon após as polémicas eleccións presidenciais de xuño, producíronse logo de que ducias de miles de persoas tomaron as rúas da capital e doutras cidades iranianas. Webs da oposición denunciaron que a Policía disparou contra os manifestantes no centro de Teherán.

Entre as vítimas mortais figura o sobriño do líder opositor Mir Hossein Musavi, que un aliado do ex candidato presidencial xa cualificou de "martirio". A televisión asegurou que varios "agresores descoñecidos" asasinaron a Ali Habibi Musavi Jamene.


Ademais, a Policía informou da detención de 300 opositores, anunciou que se abriu unha investigación sobre os feitos e asegurou que ducias de membros das forzas de seguridade resultaron feridos.


3/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: