Vieiros

A parlamentaria alaricana do PSdeG Laura Seara ocupará, a partir deste xoves, a dirección xeral do Instituto da Muller. O Consello de Ministros fará oficial o nomeamento a petición do Ministerio de Igualdade.

Seara substituirá a Rosa Peris, que levaba cinco anos de directora xeral do instituto. Fora proposta por Jesús Caldera, daquela ministro de Traballo e Asuntos Sociais, do que dependía o organismo. Laura Seara Sobrado ocupa actualmente o cargo de secretaria de Políticas Sociais e de Igualdade no PSdeG-PSOE.

No caso da marcha de Seara a Madrid, o seu escano no Pazo do Hórreo poderíao pasar a ocupar o número seis da candidatura do PSdeG por Ourense, Xoán Carlos Francisco Rivera, de Verín.