Vieiros

Vieiros de meu Perfil


Edición xeral

RSS de Edición xeral
Zona de conflito

Un atentado suicida deixa 90 mortos nun partido de voleibol en Paquistán

Os feitos aconteceron ao noroeste do país, na fronteira con Afganistán, nunha zona controlada polos milicianos talibán.

Redacción / EP - 10:00 02/01/2010

Polo menos 88 persoas morreron como consecuencia do atentado suicida perpetrado este venres nun recinto na aldea de Shah Hassanjel, próxima á localidade de Lakki Marwat (noroeste de Paquistán), no que se estaba xogando un partido de voleibol, segundo o último balance da Policía.

O xefe da Policía de Lakki Marwat, Ayub Jan, indicou a Reuters que o autor do atentado accedeu ao terreo de xogo ao volante dun todoterreo e inmolouse con explosivos. "Retiramos todos os corpos e feridos de entre os cascallos", dixo Jan, á vez que engadiu que un total de 88 persoas morreron. A cadea de televisión Express 24/7 engadiu que 20 casas quedaron destruídas pola explosión dun coche bomba.

O policía engadiu que, ao parecer, un segundo vehículo fuxiu do lugar. "Creemos que pode ser utilizado para perpetrar un ataque noutro sitio", explicou. O obxectivo foron uns homes novos que xogaban ao voleibol ante a presenza de numerosos espectadores (incluídos anciáns e nenos), segundo as autoridades. Aínda que os ataques en eventos deportivos son infrecuentes, os milicianos comezaron a atentar en zonas moi concorridas, como mercados, para causar o maior número de vítimas e xerar pánico.

Ademais, o milicianos talibán, vinculados a Al Qaeda, controlan varios enclaves na zona e, segundo fontes oficiais, os habitantes de Shah Hassanjel están en contra deses milicianos, polo que formaran unha milicia armada contra o talibán, un fenómeno que comezou en Paquistán o ano pasado.

O Ministerio de Asuntos Exteriores británico condenou o atentado e reafirmou o seu apoio a Paquistán na loita contra os extremistas. "Condenamos este horrendo ataque que levou á perda innecesaria de tantas vidas. Os nosos pensamentos están coas familias daquilo que perderon as súas vidas ou resultaron feridos", sinala un comunicado.


5/5 (1 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: