Vieiros

Porriño será con toda probabilidade o escenario da décimo segunda moción de censura desta lexislatura en Galiza. Así o confirmou o líder de Independentes do Porriño en declaracións a Europa Press. Gonzalo Ordóñez, adiantou que o seu partido xa "pechou negociacións sobre aspectos substanciais" sobre o futuro goberno local.

O Partido Popular (PP) e a formación Independentes do Porriño chegaron así a un "principio de acordo" para sacar adiante a moción de censura e formar así un goberno tripartito xunto a Cidadáns de Porriño. O propio Ordóñez asegurou que confía en que "se poida chegar ao consenso definitivo entre as tres partes nas próximas datas".

Mentres, tanto o PP como Cidadáns manteñen o seu silencio sobre as conversas para a formación deste goberno de centro-dereita.