Vieiros

Nos últimos doce meses o sector do automóbil portugués está a notar con especial forza a crise económica. A Associação Automóvel de Portugal (ACAP) deu a coñecer esta semana que a cifra de coches vendidos ao longo do ano pasado foi a máis baixa dende 1988, ao non chegar ás 161 mil unidades.

A patronal deste sector coida que a crise económica fai que familias portuguesas pensen moito antes de mudar os seus vehículos. Dende a ACAP apuráronse a pedir “medidas de incentivo e de apoio” para os que se queiran cambiar o seu coche vello por un novo.

De feito, o pasado verán, o goberno de José Sócrates puxo en marcha axudas para incentivar a compra de vehículos novos. Dende a patronal aseguran que de non ter acontecido isto as cifras de vendas aínda serían ben menores. Agora piden que o executivo luso siga a subvencionar parte das compras ao longo de 2010.