Vieiros

Vieiros de meu Perfil


Edición xeral

RSS de Edición xeral
Igadi Paper Nº27

Que pode agardar Galiza da presidencia española da Unión Europea?

O Instituto Galego de Análise e Documentación Internacional analiza os retos que afronta o goberno de Zapatero neste semestre de quenda.

Redacción - 11:15 05/01/2010
Do 1 de xaneiro ao 1 de xullo

Do 1 de xaneiro ao 1 de xullo

Desde o pasado 1 de xaneiro e durante todo o primeiro semestre de 2010, o goberno español ostentará a presidencia de quenda da Unión Europea. Entre os seus principais retos están a consolidación do Tratado de Lisboa como referente de integración, e a necesidade de abordar solucións conxuntas para superar a recesión e a crise económica.

O último número do Igadi Paper, o instrumento de análise e información do Instituto Galego de Análise e Documentación Internacional, "destinado a afondar de forma equilibrada e sintética nalgún conflito, acontecemento ou tendencia internacional de relevancia e actualidade", aborda a cuestión.

Ademais, realiza un breve resumo dos intereses do noso país e as circunstancias que poden eivar ou favorecer a axenda galega. Apúntanse tres focos primarios: a Política Pesqueira e Agraria Común; a evolución da rede de infraestruturas viarias no marco da Axencia Europea de Cooperación Transfronteiriza e da Eurorrexión Galiza-Norte de Portugal; e a promoción cultural do país ante a celebración do Ano Santo Xacobeo.


Ligazóns

5/5 (6 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: