Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
A CORUÑA

Millán Astray acaba na trasteira municipal

De madrugada e dando cumprimento á Lei de Memoria Histórica, a súa escultura foi trasladada ao almacén municipal da Grela.

Redacción - 11:57 22/01/2010

Nun almacén municipal descansa xa a estatua de Millan Astray, o fundador da lexión, logo de ser retirada da praza do mesmo nome, detrás do palacio municipal de María Pita. Os traballos, executados a través da Concellaría de Rehabilitación Urbana e levados a cabo por unha empresa privada, comezaron as sete da mañá e duraron, aproximadamente, unhas tres horas.

O Concello da Coruña iniciou así os traballos de reordenación de todos os espazos en torno á súa Praza Maior, ao mesmo tempo que deu cumprimento aos acordos da comisión, que no pasado mes de novembro determinou os elementos vencellados á simboloxía franquista da cidade, para a súa posterior retirada en aplicación da Lei de Memoria Histórica.

A estatua, de máis de tres metros de alto, foi introducida nunha caixa e un camión levouna cara aos almacéns municipais, se ben un dos seus posíbeis destinos finais podería ser o Museo Militar.


4,33/5 (6 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: