Vieiros

Vieiros de meu Perfil


Edición xeral

RSS de Edición xeral
Moción de censura no Porriño

O PSdeG acusa a Louzán de "prostituír a política"

Veciños do municipio concentráronse este venres á noitiña na praza do Concello logo de crear a Plataforma Contra a Moción de Censura.

Redacción - 12:45 23/01/2010

O secretario de Organización do PSdeG en Pontevedra, Luís Piña, afirmou este venres que a moción de censura no Porriño se fai "en clave provincial e non polos intereses do Porriño" e considerou que o presidente da Deputación de Pontevedra e presidente do PP da provincia, Rafael Louzán "prostitúe a política en Pontevedra".

Piña afirmou que a Louzán "non lle importou utilizar as institucións públicas para repartir prebendas con tal de garantir o seu posto e forzar un cambio político incomprensíbel a menos de ano e medio das eleccións", xa que considerou que a moción de censura presentada por PPdeG, Ciudadanos por Porriño e Independentes de Porriño -que desaloxará da Alcaldía a Raúl Francés (BNG)- é "tardía, sen proxecto" e lévase a cabo "por intereses electoralistas".

Concentración de cidadáns

Por outra banda, veciños do municipio concentráronse este venres á noitiña na praza do Concello logo de crear a Plataforma Contra a Moción de Censura. Denuncian que "non hai argumentos" que xustifiquen a moción, ao considerar que o Goberno municipal "desenvolve o seu labor con normalidade e sen maior contestación social que calquera outro goberno de Galiza".


5/5 (4 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: