Vieiros

Vieiros de meu Perfil


Edición xeral

RSS de Edición xeral
O vindeiro sábado

A Comisión da Rolda de Rebeldía critica a non asistencia da UPG e do MGS

"O diálogo entre esquerda social e esquerda política que pretende animar o encontro non pareceu resultar finalmente do seu interese", din.

Redacción - 09:45 24/01/2010

A Comisión da Rolda de Rebeldía (RdR) emitiu un comunicado en que critica a ausencia o vindeiro 30 de xaneiro no evento (organizado polo Encontro Irmandiño (EI) de dúas importantes formacións da esquerda nacionalista: a Unión do Povo Galego (UPG) e o Movemento Galego ao Socialismo (MGS). As tres formacións políticas, EI, UPG e MGS, fan parte do BNG.

"Nin Francisco Rodríguez nin ninguén da UPG. O diálogo entre esquerda social e esquerda política que pretende animar a Rolda de Rebeldía non pareceu resultar finalmente do seu interese, polo que rexeitaron participar na Xeira Partillada, último encontro da xornada", afirman desde a Comisión da RdR.

"Do mesmo xeito, o MGS tamén decidiu non enviar ninguén a participar do proceso. O resto de convidados e convidadas á RdR, que forman parte dun amplo abano de organizacións sociais e políticas do país, si acudirán ao diálogo", informan. Na Xeira Partillada está previsto analizar "se o divorcio entre a cidadanía e as opcións políticas é ou non é reconducíbel", acrecentan.

Inscricións
Por outra banda, as inscricións previas á rolda -que se poden facer desde a web- achéganse xa ás 200, cando aínda queda máis dunha semana para o evento no Hotel Compostela. Ademais, as achegas á Rolda virtual xa superan as 50 mil palabras, representadas na nube de fontes que acompaña a noticia tirada do blog Calidonia.


5/5 (3 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: