Vieiros

Vieiros de meu Perfil


Edición xeral

RSS de Edición xeral
'Reaparición'

Un suposto Ben Laden reivindica a autoría do atentado frustrado contra os EUA do pasado 25 de Nadal

'Al Jazeera' divulga unha gravación que a canle e os medios internacionais atribúen o líder de Al Qaeda.

Redacción - 12:25 24/01/2010

O desaparecido líder de Al Qaeda Osama Ben Laden volveu 'reaparecer' para reivindicar a responsabilidade de organizar o atentado frustrado contra o voo 253 de Northwest Delta Airlines do pasado 25 de Nadal.

A canle Al Jazeera divulgou este domingo unha cinta de audio, supostamente coa súa voz, na que se cualifica de "heroe" o único inculpado pola tentativa de atentado, o estudante nixeriano Umar Farouk Abdulmutallab.

"A mensaxe que se vos enviou co intento realizado polo heroe nixeriano Umar Farouk Abdulmutallab confirma a nosa mensaxe previa transmitido polos heroes do 11 de setembro", declara o suposto Ben Laden, tal e como identifica a propia canle e os medios internacionais.

Na gravación xustifícase o ataque pola incapacidade da comunidade internacional para escoitar as súas peticións. "De ser posíbel transmitirvos estas mensaxes a través das palabras, non os transmitiriamos a través de avións", escoitase.

Apoio aos palestinos

Ademais, na mensaxe, a persoa que fala expresa o seu total apoio aos "irmáns" da Faixa de Gaza: "América (EUA) nunca poderá soñar con vivir en paz a menos que esta paz se viva en Palestina. É inxusto que gocedes dunha vida segura mentres os nosos irmáns de Gaza sofren tanto".


0/5 (0 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: