Vieiros

Vieiros de meu Perfil


Edición xeral

RSS de Edición xeral
CAMBIO NA XERARQUÍA ECLESIAL

A Igrexa releva o bispo de Tui-Vigo imputado na trama de axudas da Consellaría de Cultura

O dezao Luis Quinteiro Fiuza, até agora bispo de Ourense, substitúe a Xosé Diéiguez, que renunciou ao cargo.

Redacción - 13:36 28/01/2010
Quinteiro Fiuza é dende este xoves o novo bispo de Tui-Vigo

Quinteiro Fiuza é dende este xoves o novo bispo de Tui-Vigo

Logo de que esta semana se soubese que un xulgado investiga a relación do Bispado Tui-Vigo cunha trama de corrupción na que terían participado técnicos da Consellaría de Cultura, a Igrexa move ficha. A xerarquía eclesiástica anunciou este xoves que o actual bispo de Ourense, Luis Quinteiro Fiuza, substituirá ao actual titular da diócese, Xosé Diéguez Reboredo.

Aínda que dende a Igrexa non relacionaron en ningún momento o cambio co escándalo e aseguran que o propio bispo saínte pediu formalmente a renuncia (por razóns de idade), tamén é certo que Diéguez Reboredo é un dos 12 imputados por un xulgado de Compostela por unha presunta trama de corrupción en Cultura. O arcebispo de Compostela, Xulián Barrio, limitouse a agradecer a "entrega, xenerosidade e bo facer" do bispo saínte.

A Fiscalía sostén que funcionarios e cargos eclesiásticos poderían ter cometido delitos de suborno e tráfico de influencias. A trama tería como finalidade obter plusvalías irregulares da adxudicación pública de obras de restauración de inmóbeis da Igrexa. A investigación púxose en marcha en 2008 logo de que a propia Consellaría de Cultura detectase indicios de irregularidades.


2,43/5 (7 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: