Vieiros

Vieiros de meu Perfil


Edición xeral

RSS de Edición xeral
Ademais da área metropolitana de Barcelona

A Generalitat aproba a lei para dividir Cataluña en sete 'vegueries'

Abre o debate territorial que culminará o Parlament e que, en última instancia, requirirá da modificación de leis estatais para suprimir as deputacións.

Redacción - 19:05 02/02/2010

O goberno de Cataluña aprobou este martes os proxectos de lei de creación das vegueries (demarcación territorial histórica deste país) e da área metropolitana de Barcelona, o que abre un debate territorial que culminará o parlamento catalán e que, en última instancia, requirirá da modificación de leis estatais para suprimir as deputacións.

Segundo informan as axencias estatais e recollen os medios cataláns, a proposta da nova organización territorial de Cataluña en sete vegueries foi presentada ante os medios polo presidente catalán, José Montilla, e o conselleiro de Governació, Jordi Ausàs, que se valora como unha escenificación de unidade interna logo dunha complicada tramitación no seo do tripartito.

O proxecto propón a creación das vegueries de Terres de l'Ebre, Barcelona, Lleida, Alt Pirineu i Aran, Catalunya Central, Girona e Camp de Tarragona, demarcacións sobre as que a Generalitat non propón capitais, deixando a polémica cuestión ao trámite parlamentario.

Lleida, Tarragona e Barcelona, partidas en dous
Desta forma, a provincias de Lleida, Tarragona e Barcelona deberán dividirse en dúas cada unha delas, co que as catro deputacións provinciais deberán dar paso a sete Consells de Vegueries, mentres que a nova Área Metropolitana de Barcelona aglutinará 36 municipios.

O goberno catalán inclúe unha disposición transitoria para recoñecer a singularidade do Aran, que manterá relacións directas coa Generalitat e será tida en conta á hora de fixar a súa relación co Consell de Vegueria.


Máis información:



Algunha información anterior relacionada:


5/5 (8 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Alt Penedès, Anoia, Baix Penedès e Garraf defenden a Vegueria Penedès. Na imaxe, en verde escura
Alt Penedès, Anoia, Baix Penedès e Garraf defenden a Vegueria Penedès. Na imaxe, en verde escura
Mapa de 'vegueries' catalás en 1304 (clique para ampliar)
Mapa de 'vegueries' catalás en 1304 (clique para ampliar)
Mapa comarcal de Galiza / Imaxe: NÓS-UP (clique para ampliar)
Mapa comarcal de Galiza / Imaxe: NÓS-UP (clique para ampliar)