Vieiros

Vieiros de meu Perfil


Edición xeral

RSS de Edición xeral
Urxen sentenza do Supremo sobre Reganosa

Dereito a vivir "libres deste perigo"

O Comité Cidadán avisa de que un accidente como o recente en Connecticut en zona apenas poboada, causaría "milleiros de vítimas" na ría ferrolá.

Redacción - 12:05 10/02/2010
Tags: CCE Reganosa

Tanto polo volume de gas almacenado como polo efecto multiplicador que supón a planta contigua de Forestal do Atlántico, con almacén de grandes cantidades de produtos tóxicos, as instalacións de Reganosa, un accidente no lugar como o acontecido recentemente nos Estados Unidos tería "consecuencias gravísimas" no contorno.

Recordan que o suceso estadounidense produciuse nunha central eléctrica, ao facer explosión unha canalización de gas natural, e que a planta, aínda en período de probas está a 4 km da cidade de Middletown, de 40 mil habitantes e nun área pouco poboada. Aínda así, houbo numerosas mortes e feridos e os efectos da explosión notáronse nun amplo radio de quilómetros.

Por este motivo, aproveitan para recordar o perigo latente que supón a planta de Reganosa en Mugardos, a poucos metros de núcleos de poboación e a pouco máis dun quilómetro dos Arsenais e da cidade de Ferrol. Nun caso similar, "os mortos terían que contarse por miles", agoiran. Deste xeito, insisten na ilegalidade da localización da planta e do tráfico de gaseiros ao interior da ría. "Urxe que o Tribunal Supremo dite sentencia confirmando as emitidas no seu día polo Tribunal Superior de Xusticia de Galicia, favorábeis a este Comité e recorridas pola Xunta de Galicia", subliñan.


Ligazóns

4,67/5 (12 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: