Vieiros

Vieiros de meu Perfil


Edición xeral

RSS de Edición xeral
El "nin confirma nin desmente", din

A prensa ultracatólica española sitúa a Francisco Vázquez como novo Defensor del Pueblo

Asegura que o actual embaixador na Santa Sede deixará o seu cargo por discrepancias coa lei de liberdade relixiosa impulsada por Zapatero.

Redacción - 10:35 15/02/2010
Vázquez bicando a man de Ratzinger

Vázquez bicando a man de Ratzinger

Segundo publica o xornal ultracatólico español La Gaceta, o actual embaixador na Santa Sede, o ex alcalde da Coruña Francisco Vázquez, deixará o seu cargo nos próximos meses. O rotativo especula con supostas discrepancias co goberno que preside José Luis Rodríguez Zapatero en leis como a de liberdade relixiosa.

Precisamente a futura norma parece ser o escollo insalvábel que precipitou a súa renuncia. Segundo conta La Gaceta, "Vázquez, como bo político nin confirma nin desmente, e como bo galego tamén sorrí cando llo dicimos, deixando entrever que todo é posíbel".

Neste senso, engaden desde os círculos mediáticos da ultradereita española, "todo apunta a que Vázquez podería ser o substituto de Enrique Múgica como Defensor del Pueblo. Este sería polo menos o desexo do presidente Rodríguez Zapatero".


2,54/5 (13 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: