Vieiros

Vieiros de meu Perfil


Edición xeral

RSS de Edición xeral
Contra as 15.30 horas deste luns

Falece un mariñeiro logo de se afundir un arrastreiro a 20 millas de Burela

No barco faenaban outros sete tripulantes. Os oito foron rescatados por un outro pesqueiro mais o primeiro, o engraxador do buque, non sobreviviu.

Redacción - 17:50 15/02/2010

Un mariñeiro faleceu este luns a primeira hora da tarde no afundimento dun buque que se produciu a unhas 20 millas ao norte de Burela. No sinistro víronse afectados os outros sete tripulantes da nave, que foron rescatados da auga por outro pesqueiro.

Segundo informaron a Europa Press fontes de Salvamento Marítimo e 112-Galicia, o accidente sucedeu contra as 15.30 horas, cando o barco Ficha Segundo, con base en Ribeira, envorcou por causas que aínda se descoñecen.

Os oito tripulantes da embarcación foron rescatados entón por outra nave, o Marpar II, seis ilesos e dous con síntomas de hipotermia. Os mariñeiros máis graves foron trasladados polo helicóptero Pesca II ao Hospital de Burela, aínda que finalmente un destes faleceu.

O mariñeiro falecido no naufraxio era o engraxador do arrastreiro con base en Ribeira, F.J.G.P., de 40 anos e natural desta vila. O alcalde, Xosé Luís Torres Colomer, ratificou que "todos" os tripulantes son do municipio, agás un de orixe sudamericana.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: