Vieiros

Vieiros de meu Perfil


Edición xeral

RSS de Edición xeral
ENERXÍAS

O reparto eólico, porfía tamén en Cataluña

Mentres algúns concellos se acollen á posibilidade de elevar os seus ingresos, outras comarcas e ecoloxistas critican o alto impacto paisaxístico.

Redacción - 13:00 19/02/2010

Como en Galiza, en Cataluña o deseño e situación dos parques eólicos está a xerar unha destacábel polémica entre alcaldes, goberno e ecoloxistas. Nos últimos días, o tripartito chegou a un acordo e determinou oito zonas de desenvolvemento prioritario (ZDP) que albergarán parques eólicos en Cataluña, que se sacarán a concurso en grupos de dous ou tres a partir do vindeiro mes.

Estas áreas suman 11 comarcas e un total de 43 termos municipais nos que se poderán situar instalacións dun mínimo de cinco aeroxeneradores de 10 megawatios de potencia instalada. O novo mapa eólico contempla a instalación de 834 mw nesas oito zonas (200mw en Empordá, máis de 315 mw nas comarcas de Tarragona e uns 300 mw nas de Barcelona e Lleida). Esta potencia sumaríase aos 653 mw que xa están en marcha e aos 1.784 mw que xa se están a construíu ou tramitar, a maioría no sur.

Entre os gorentosos beneficios e as afeccións paisaxísticas

Esta proposta do goberno para a promoción e ordenación da xeración de enerxía eólica xa xerou rexeitamento principalmente nas comarcas do Alt Empordà, do Priorat e da Terra Alta. Pola contra, no sur de Lleida, no interior de Barcelona e na Conca de Barberá o feito de seren consideradas ZDP foi recibido con moita satisfacción.

No caso do Alt Empordà, tócalle o maior peso enerxético, que se distribúe en sete concellos (Agullana, Masarac, Cantallops, Sant Climent Sescebes, La Jonquera, Espolla y Capmany). Só tres destes municipios coinciden coa proposta que facía o Consello Comarcal. O Alt Empordà é consciente de que debe contribuír á xeración da enerxía, xa que é a zona con máis capacidade de produción de Cataluña, mais piden o mínimo impacto paisaxístico e o maior consenso posíbel para a instalación dos muíños na zona.

Os alcaldes apostan por concentrar os parques eólicos no corredor da autopista AP-7 entre Figueres e La Jonquera e lamentan as afeccións que terán os muíños sobre o patrimonio paisaxístico, o turismo rural e o cultivo da viña. Na mesma liña se manifestaron dende a Plataforma per la Defnesa del Patrimonio natural del Priorat e a Plataforma en Defensa de la Terra Alta, que lamentaron a “falta de información e consenso e que non se resolvan primeiro os problemas causado até o de agora por non planificar”.

Máis información en : Vilaweb / Avui / La Vanguardia / El Periódico


5/5 (2 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: