Vieiros

Vieiros de meu Perfil


Edición xeral

RSS de Edición xeral
"Ataque á liberdade de expresión", di o MpDC

Polémica pola retirada policial duns 'mecos' do instituto de Celanova

O BNG presentou unha iniciativa no Parlamento para coñecer porque se descolgaron os bonecos, que aludían ao posíbel traslado do centro.

Redacción - 19:30 19/02/2010
O centro de Secundaria está no Mosteiro

O centro de Secundaria está no Mosteiro

Deputados do BNG presentaron hai días unha iniciativa no Parlamento para que se explique a actuación da Policía no centro de ensino secundario de Celanova, logo de que esta retirase uns "mecos" pendurados das fiestras que aludían ao posíbel traslado das instalacións.

Ao respecto, o Movemento polos Dereitos Civís (MpDC) condenou cun comunicado a actuación policial, xa que considerou que a manobra policial estivo "totalmente fóra de lugar". "Sorprende que se empreguen os corpos de seguridade para impedir unha actividade de Entroido nos centros educativos, feito que lembra máis á ditadura franquista que a unha democracia", sinalaron.

Consideran que a finalidade desta acción "puidese ser a de intimidar a cidadanía para que cese nas críticas ao traslado do centro", feito que de ser certo, afirman, "sumaríase á longa lista de despropósitos cometidos polos corpos policiais contra todo aquilo que poida desestabilizar as decisións tomadas polas administracións".

Ademais, o MpDC tamén cre que este feito "atenta contra a liberdade de expresión", xa que unha parte da sociedade se veu privada deste dereito ao censurarse a súa posibilidade de manifestar publicamente unha opinión. Por iso, aplauden que a decisión poida ser explicada no Parlamento.


3.73/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: