Vieiros

Vieiros de meu Perfil


Fwwwrando

RSS de Fwwwrando
Na feira do viño deste mes de marzo

Chantada inaugurará as catas por multivideoconferencia

Media ducia de telecentros do país dispoñibilizarán unha cata guiada onde comprobar da calidade da colleita da Ribeira Sacra no último ano.

Redacción - 12:30 21/02/2010

A vila de Chantada acolle a vindeira fin de semana do 13 e 14 de marzo a súa tradicional Feira do Viño, evento que como cada ano inaugura o calendario de citas enolóxicas da Ribeira Sacra.

E desta volta, a exaltación do viño bota man das novas tecnoloxías para unha orixinal iniciativa que coordinará o Centro Multimedia de Galicia (CMG): unha cata guiada que poderá seguirse a través dunha multivideoconferencia. Participan, ademais do CMG de Santiago, os telecentros de Monforte de Lemos, O Barco de Valdeorras, Catoira, Carballo, Tui e Oroso, ademais do propio local chantadino.

En cada un dos telecentros dispoñibilizarase todo o material preciso, desde os propios viños até as copas e cuspideiras. Desde o telecentro en Chantada, un enólogo coordinará o acto e dará paso a unha cata guiada. Haberá praza para 229 persoas, e as inscricións poden realizarse desde o luns 22 de febreiro a través da web do CMG.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: