Vieiros

Vieiros de meu Perfil


Edición xeral

RSS de Edición xeral
DENUNCIA

SOS Redeiras

A Federación Galega de Redeiras Artesás pon en marcha unha campaña para denunciar a alta porcentaxe de traballadoras ilegais no seu sector.

Redacción - 12:05 22/02/2010
En Galiza hai unhas 1.200 redeiras, das que só 700 cotizan á Seguridade Social

En Galiza hai unhas 1.200 redeiras, das que só 700 cotizan á Seguridade Social

Malia ser un traballo ancestral, cunha práctica tradicional en Galiza, o sector profesional das redeiras segue arrastrando os mesmos problemas dende hai décadas. Agora, a Federación Galega de Redeiras Artesáns de Galiza, entidade que agrupa a 12 asociacións e á maioría das traballadoras que se adican profesionalmente a esta labor, poñen en marcha unha nova campaña na que denuncian a competencia desleal que exercen as traballadoras ilegais.

A iniciativa enmárcase no lema: “Axúdanos a loitar contra as redes d@s ilegais; SOS Redeiras de Galiza” e pide a colaboración cidadá para evitar a desaparición do oficio de redeira, unha profesión, denuncian, en grave perigo “pola prestación deste traballo por persoas sen asegurar, xubilados, familiares, na súa maioría mulleres, por prezos ínfimos, o que deixa as redeiras legais sen traballo ou que as obriga a malvendelo”.

Para colaborar hai tres vías fundamentais. A primeira é a denuncia: piden que aquelas persoas que coñezan algún caso de traballo ilegal na elaboración ou reparación de redes llo fagan saber á Federación. A segunda solicita a achega de vídeos ou fotografías que poñan de manifesto estas prácticas. E en terceiro lugar, poñen á venda unha camiseta para colaborar economicamente coas redeiras (ten un prezo de 5 euros).

Máis información en Vieiros:


Ligazóns

5/5 (2 votos)

Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: