Vieiros

Vieiros de meu Perfil


Edición xeral

RSS de Edición xeral
Final da Copa do Rei de baloncesto

"Non asubiaban tanto a Franco cando lles entregaba a Copa do Xeneralísimo"

O xornalista deportivo da Cadena Ser, José Ramón de la Morena, critica os espectadores que apuparon este domingo o monarca e o himno españois.

Redacción - 13:00 22/02/2010

O xornalista José Ramón de la Morena, director e presentador do programa deportivo da Cadena SER El Larguero, un dos de maior audiencia a nivel estatal, cualificou de "estupidez teimuda e irrespectuosa" pedir a organización da fase final da Copa do Rei para asubiar o himno español. Fíxoo este luns pola mañá noutro programa de éxito, o Hoy por hoy.

Este domingo, na localidade vasca de Barakaldo, disputouse o partido final desta competición, que enfrontou o Real Madrid e o Barcelona. Gañaron os da equipa catalá, cunha grande actuación do chantadino Fran Vázquez, elixido mellor xogador do torneo.

A polémica chegou antes. O encontro estivo presidido polo xefe do Estado español e a súa consorte. Á súa chegada ao pavillón BEC foron recibidos con asubíos e apupos. Uns poucos espectadores próximos ao palco aplaudían, mais o resto do pavillón pitaba e algúns berraban "fóra, fóra".

As protestas aumentaron durante a breve interpretación do himno español, que soou durante 35 segundos, mais que se ouvía con dificultade entre os asubíos. Así que acabou a música, a situación volveu á normalidade e non houbo máis incidencias.

Acompañando a Juan Carlos de Borbón e Sofía de Grecia, entre outros, estaban Jaime Lissavetzky, secretario de Estado para o Deporte, e o lehendakari, Patxi López, así como os presidentes do Real Madrid e do Barcelona, Florentino Pérez e Joan Laporta, respectivamente.

"Entusiasmados coa Copa do Xeneralísimo"
Ao respecto, De la Morena sinalou que "todos saben que é a Copa do Rei de España, das que tantas gañou o Athletic de fútbol cando este país padecía unha ditadura e, con todo, nunca asubiaron tanto a Franco naqueles tempos cando chegaba ao estadio ou lles entregaba a Copa, a do Xeneralísimo, que recibían tan entusiasmados".


1,31/5 (13 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: