Edición xeral
O cóndor continúa a voar
O descubridor dos Arquivos Secretos da Operación Cóndor en Paraguai, Martín Almada, ofrece unha conferencia este martes na Coruña.
El Cóndor Sigue Volando é o título da conferencia que ofrece este martes na Coruña o que foi descubridor en 1992 dos Arquivos Secretos da Operación Cóndor en Paraguai, Martín Almada.
O obxectivo da Operación Cóndor, desenvolvida en varios países de Latinoamérica entre as décadas de 1970 e 1980, foi a represión das persoas consideradas polos réximes ditatoriais da época como subversivas da orde instaurada ou contrarias ao pensamento político ou ideolóxico destes.
A charla será a partir das 20.30 horas, na Casa Museo Casares Quiroga, e está organizada polo Comité de Solidariedade con América Latina (COSAL Coruña) e a Concellaría de Mocidade, Solidariedade e Normalización Lingüística do Concello.
Almada é, á súa vez, supervivente da Operación Cóndor, e foi galardoado co Premio Nobel Alternativo da Paz en 2002. Actualmente é membro do Comité Internacional de Apoio ao Tribunal Russell sobre Palestina e un todo un símbolo da defensa dos Dereitos Humanos en América Latina.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto