Vieiros

Vieiros de meu Perfil


Edición xeral

RSS de Edición xeral
Participación nos foros de decisión

O Valedor do Pobo da UE di que Escocia está "infra-representada" en Europa

O europarlamentario escocés e presidente do SNP, Ian Hudghton, agradece o recoñecemento "ao máis alto nivel".

Redacción - 09:25 19/03/2010
Nikiforos Diamandouros

Nikiforos Diamandouros

O recentemente reelixido como Valedor do Pobo da UE, o grego Nikifouros Diamandouros, recoñeceu nunha entrevista publicada esta quinta feira no Scotsman que Escocia está "infra-representada" en Europa.

Os comentarios foron moi ben recibidos no seo do SNP. O seu presidente e europarlamentario escocés, Ian Hudghton, destacou a importancia do recoñecemento "ao máis alto nivel" da necesidade de que o goberno escocés participe de seu nos foros de decisión da UE.

"O feito de que unha figura independente chegue a está conclusión lóxica é moi significativo. Nos últimos anos, a influencia de Escocia foi medrando, especialmente desde que o SNP entrou no goberno en 2007", afirmou o nacionalista.

O recoñecemento pleno, a través da independencia

"Porén -lamentou Hudghton- aínda conta con menos representantes no Parlamento Europeo que outros países de tamaño similar, non ten dereito a enviar os seus ministros ás xuntanzas da UE onde se toman importantes decisións, e tampouco ten dereito a voto no Consello de Ministros".

Neste senso, aínda que se manifestou contento polo recoñecemento, engadiu que este só será pleno a través da independencia de Escocia, sen deixar de ser un membro de pleno dereito da Unión Europea.


0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: