Vieiros

Vieiros de meu Perfil


Edición xeral

RSS de Edición xeral
Eleccións rexionais en Francia

A mudanza de rumbo en Corsica e o rexurdir do PS, a análise

O Instituto Galego de Análise e Documentación Internacional (Igadi) examina a "amarga derrota" de Sarkozy e o futuro de cara a 2012.

Redacción - 11:45 29/03/2010
Sarkozy, o gran derrotado

Sarkozy, o gran derrotado

"O test electoral celebrado entre o pasado 14 e 21 de marzo determinará a evolución do panorama político francés de cara aos comicios presidenciais de 2012, onde o mandatario Sarkozy espera postularse para a reelección", consideran desde o Igadi.

O último número do Igadi Paper, o instrumento de análise e información do Instituto Galego de Análise e Documentación Internacional, "destinado a afondar de forma equilibrada e sintética nalgún conflito, acontecemento ou tendencia internacional de relevancia e actualidade", debulla as pasadas eleccións rexionais en Francia.

Consideran que o Partido Socialista (PS) se converteu no "gran protagonista" destes comicios, logo de lograr perto do 30% dos votos a nivel individual, que se incrementou até o 54,3% após se concretar unha alianza con outros partidos de esquerda na segunda volta.

Ademais, tamén botan o ollo ao avance dos movementos nacionalistas e autonomistas, que segundo o Igadi podería contribuír a abrir o debate constitucional para avanzar na "descentralización administrativa" e no "recoñecemento dos dereitos lingüísticos e culturais das consideradas 'nacións sen Estado', como son os casos corso, occitano e bretón".


Ligazóns

5/5 (5 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: