Vieiros

Vieiros de meu Perfil


Galego.org

Xestionado por Vieiros
RSS de Galego.org
LINGUA

O PSdeG afirma que sen unha discriminación positiva para o galego non hai posibilidade dun acordo

O deputado socialista Guillermo Meijón insiste en que debe ter garantido, como mínimo, o 50% do total das materias, incluídas as terceiras linguas.

Redacción - 18:09 29/03/2010
Guillermo Meijón

Guillermo Meijón

“A realidades diferentes non se lles pode dar solucións iguais”, así se referiu este luns o deputado socialista Guillermo Meijón ao decreto de linguas para o ensino non universitario. Dende o PSdeG subliñan que non apoiarán ao Goberno se non hai unha “discriminación positiva” a prol da lingua propia: “un dos grandes consensos que había entre a clase política era a discriminación positiva dunha lingua que estaba en inferioridade de condicións respecto a outra”.

Para Meijón, em calquera caso o idioma do país debe estar presente, cando menos, no 50% do total do currículo escolar (incluíndo neste as materias em terceiras linguas). O deputado socialista botoulle em cara ao conselleiro de Educación, Xesús Vázquez, que non discutise no Parlamento a reforma do decreto actual.

Dende o PSdeG non aforran dardos contra o secretario xeral de Política Lingüística, Anxo Lorenzo. Segundo Meijón, o alto cargo padece “esquizofrenia lingüística”, por ter cambiado notabelmente o seu discurso sobre a lingua.


5/5 (9 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: