Vieiros

Nunha entrevista na canle pública británica BBC, o científico de 90 anos James Lovelock asegura que "xa é tarde" para tentar salvar o Planeta. Famoso mundialmente por desenvolver a teoría de Gaia ("A Terra é un único organismo vivo"), Lovelock di que a única esperanza é que sexa o propio Planeta que "coide de si mesmo". "Goza da vida mentres poidas", aconsella neste senso.

Ademais, desculpa a humanidade de ter "apertado o gatillo" ao respecto do quecemento global, coa construción das civilizacións, xa que esta ignoraba as consecuencias. Considera, tamén, errados os modelos de predición climática ante o cambio climático, xa que tal e como se puido ver durante este frío inverno as temperaturas varían "bruscamente e a saltos".

• BBC: Lovelock: 'We can't save the planet'

Por outra banda, nunha outra entrevista no diario The Guardian arremete contra a enerxía eólica. "Se os aeroxeneradores funcionasen eu non tería ningunha obxección. Ao inferno coa estética. Mais é que non funcionan, como se demostrou en Alemaña", afirma. Ademais avoga pola enerxía nuclear en zonas sobredimensionadas como Gran Bretaña e cre que cómpre "un mundo máis autoritario", con decisións menos democráticas na guerra contra o cambio climático.

• The Guardian: James Lovelock on the value of sceptics and why Copenhagen was doomed