Vieiros

Vieiros de meu Perfil


Edición xeral

RSS de Edición xeral
EN RUSIA

Morre o presidente polaco nun accidente de avión

Fontes oficiais rusas confirman que non hai superviventes entre as 132 persoas que viaxaban a bordo.

Redacción - 09:50 10/04/2010

O presidente de Polonia, Lech Zaczynski, morreu este sábado xunto con outras 131 persoas ao estrelarse o avión no que viaxaban despois dunha manobra de aproximación ao aeroporto de Smolensk (no oeste de Rusia).

O avión, un Tupolev TU-154 que saíu dende Varsovia, estrelouse a uns 400 metros da pista de aterraxe do aeroporto militar. A Fiscalía rusa xa abriu unha investigación para determinar as causas do sinistro, mais todo apunta a unha aterraxe fallida a causa do mal tempo por mor da néboa que rodeaba o aeroporto.

Fontes oficiais rusas confirman que non se rescataron superviventes do sinistro. Ademais do presidente Kazcynski atopábanse no avión accidentado a súa muller, a economista Maria Kaczynska ou o gobernador do Banco Central de Polonia, Slawomir Skrzypek. O presidente encabezaba unha delegación oficial que tiña previsto conmemorar o 70 aniversario da masacre de cidadáns placos a mans das forzas soviéticas en katyn, durante a primavera de 1940.

Máis información:


4,6/5 (10 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: