Vieiros

Vieiros de meu Perfil


Edición xeral

RSS de Edición xeral
REÁBRESE A DISCUSIÓN

O PSdeG quere que os emigrantes voten nas autonómicas

O seu secretario xeral, 'Pachi' Vázquez, sostén que a participación dos residentes ausentes “forma parte da historia de Galiza”.

Redacción - 17:30 19/04/2010

Os socialistas galegos avisaron hoxe de que non verían con bos ollos unha reforma electoral que lle impedise votar nas eleccións autonómicas aos emigrantes. O seu secretario xeral, 'Pachi' Vázquez, sinalou que o sufraxio da diáspora “forma parte da historia de Galiza”. O PSdeG pronúnciase logo de que hai semanas trascendese á opinión pública as negociacións entre diferentes forzas con presenza no Congreso que estarían dispostas a suprimir o voto emigrante en comicios municipais e autonómicos.

Aínda que Vázquez defendeu abertamente o dereito ao voto nas eleccións autonómicas, foi moito máis cauto á hora de falar das locais e recoñeceu que era un sufraxio que “está moi cuestionado”. Para os socialistas a mellor maneira de rematar coa polémica que rodea o voto do exterior é establecer “máximas garantías” e potenciar o voto en urna.

Dende o PSdeG defenden que, independentemente do que decida a subcomisión do Congreso que estuda a reforma electoral, o Parlamento de Galiza e os partidos galegos deber ter “un posicionamento propio”.


1/5 (1 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: