Vieiros

Vieiros de meu Perfil


Edición xeral

RSS de Edición xeral
DIFERENZAS INTERNAS NO BNG

Guillerme Vázquez considera que as críticas de Beiras sobrepasan o dereito á discrepancia pública

Guillerme Vázquez lembra que a maioría dos militantes non comparten as teses do líder 'irmandiño'.

Redacción - 10:10 24/04/2010

O pasado xoves Xosé Manuel Beiras protagonizou unha conferencia de prensa na que foi moi crítico coa liña política do BNG. O que fora líder do Bloque afirmou que a organización “ten un despiste monumental e perdeu o norte que non é outro que o proceso de emancipación nacional e social”. Beiras tamén lle volveu botar en cara á dirección o abandono da “interrelación cos movementos sociais”.

As críticas non sentaron nada ben dentro de boa parte do Bloque. Os dous principais grupos organizados dentro da formación frontista (UPG e Máis BNG) consideran que as críticas superan o tolerábel e que chegan á deslealdade. O actual voceiro, Guillerme Vázquez, afeito a medir as palabras cando se refire aos asuntos internos do Bloque asegurou este venres que “o dereito á discrepancia pública estivo algo sobrepasado” e botoulle en cara a Beiras que determinados posicionamentos non se debatan só en clave interna.


2,91/5 (22 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: