Vieiros

A renuncia do socio minoritario da coalición gobernante en Austria, o Partido Popular Austríaco (ÖVP), a presentar candidato, a desinterese do electorado e o perfil de home de consenso de Heinz Fischer, permitiron que este se alzara cunha cómoda vitoria nas eleccións presidenciais desta fin de semana, con case o 80% dos apoios.

Fischer recuncará como xefe de Estado logo desta vitoria onde en segunda lugar e a moita distancia quedou Barbara Rosenkranz, a candidata da formación de ultradereita Partido Liberal Austríaco (FPÖ), co 16% dos votos. Unha Rosenkranz que foi moi belixerante no seu discurso logo de coñecérense os resultados, acusando os medios de comunicación de "caza de bruxas" polas acusacións deitadas contra ela polas súas simpatías coa herdanza nazi. A terceira opción candidata na loita era a de Rudolf Gehring, do Partido Cristián de Austria, coñecido polas súas posicións contra o aborto e a homosexualidade.